ရခိုင်ပြည်နယ်စပ် မောင်တောမြို့နယ်တွင် သုံးရက်အတွင်း မီးလောင်မှု ၂ကြိမ်ဖြစ်ပွါးခဲ့ပြီး လူနေအိမ် ၄ ဆောင် မီးထဲပါသွားသည်ဟု သိရသည်။
ယနေ့(၁၃ရက်) နံနက် ၁နာရီခွဲခန့်တွင် မောင်တောမြို့နယ် အောင်ဆိပ်ပြင်ကျေးရွာတွင် လူနေအိမ်ကြီးတဆောင် မီးလောင်သွားခဲ့ပြီး ကျပ်သိန်း၁၀၀ ခန့်ဆုံးရှုံးသွားခဲ့ကြောင်း အဆိုပါ အိမ်မီးလောင်သွားခဲ့သော မိသားစုနှင့် နီးစပ်သူတဦးကပြောသည်။
“မီးလောင်တဲ့အိမ်က ဦးဖော်ရိတ်အိမ်ဖြစ်ပါတယ်။ ဘာမှမကျန်လိုက်ပါဘူး။ အကုန်လုံး မီးထဲ ပါသွားပါတယ်။ လူတွေအိပ်နေတဲ့အချိန်မှာ လောင်တယ်ဆိုတော့ ဘယ်လိုမှ မီးငြိမ်းလို့ မရလိုက်ပါ။ သူတို့မှာရှိတဲ့ ရွှေတွေ၊ ငွေတွေ အတွင်းပစ္စည်းအားလုံး ပါသွားတယ်လို့ပြောပါတယ်။ ကျပ်သိန်း ၁၀၀နီးပါးဖို့လောက် ဆုံးရှုံးသွားပါတယ်။”
အဆိုပါအိမ်မှာ ပျဉ်စီပျဉ်ထောင် သံဖြူမိုးထားသော အိမ်ဖြစ်သောကြောင့် ထိုအိမ်ကဲ့သို့ ပြန်လည်ဆောက် လုပ်မည်ဆိုလျှင် ကာလပေါက်တန်ဖိုး ကျပ်သိန်း၄၀ခန့် ကုန်ကျနိုင်ကြောင်း အဆိုပါနီးစပ်သူက ဆက်ပြောသည်။
အလားတူ ယခုလ ၁၀ရက်နေ့က မောင်တောမြို့နယ် အထက်ပြူးမကျေးရွာတွင် မီးလောင်မှုဖြစ်ပွါးခဲ့ရာ လူနေအိမ် ၃ဆောင် မီးထဲပါသွားကြောင်း ဒေသခံများကပြောသည်။
အဆိုပါမီးမှာ နေ့လည် ၁၂နာရီခွဲခန့်တွင် လောင်ကျွမ်းခဲ့ခြင်းဖြစ်ပြီး ဆုံးရှုံးမှုမှာ ကာလပေါက်တန်းဖိုး ကျပ်သိန်း ၆၀ခန့် ရှိသည်ဟု သိရသည်။
ဆရာတော်ဥူးသုမင်္ဂလ(ဒယ်အိုး)တရားပွဲ(ကော့တောင်ကျွန်းအမှတ်တရ)
Friday, January 14, 2011
Subscribe to:
Post Comments (Atom)
No comments:
Post a Comment